睏勒草堆里（沪语版）有日下半日，我拿眼零零碎碎嗰事体侪做忒之后，就叫差头到浦东去。落雨天，差头也俏起来了，招仔半天也没招着，两个差头司机好象也有数有目，发嗲，弗停么就弗停，眼乌珠还白白侬伊讲。等仔半日天，总算有人勒浪阿拉门口下车，坐上去一看，迭个司机还是红牌子三粒星唻。我讲出我到啥地方去之后，伊想忒一歇，就讲，过啥个桥，阿哩只口下去，穿阿哩条小马路，出来再哪能走，思路色色清！我蛮欢喜嗰，就捧了伊两句。想弗到伊是只饭泡粥，乃末好，伊一埭路里讲下去唻。先讲阿拉工资肯定比伊高，再讲哪能买房子，七扯八扯，又扯到供电局去了。后手来又讲到嘴巴老糗个女人身浪去了，会讲头势，刹也刹不牢。“迭排女人我最看弗惯了，交侬啥搭界？侬讲对伐？瞎起劲，穷讲八讲，啥意思，”侬覅讲，迭个差头司机讲法讲法还蛮气嗰唻。“喏。阿拉小区里，有个女嗰，嫁拨仔一个德国人，好几年了，生仔两个小囡了，搿德国人蛮高嗰，大概1米90总归有了嗨。乃末好，两只嘴巴贱啊！“侬晓得俩女嗰伊拉讲啥，伊拉讲，哦唷，哪能嫁拨迭种人，搿天天夜里吃得消嗰啊？弄也拨伊弄煞了。”听到此地，我只好关照自家，要屏牢，随便哪能弗好笑出来。“侬讲有空伐，人家夜里吃得消吃弗消关侬啥事体啦，怪伐？”怪嗰，怪嗰，怪勒蛮结棍嗰。“有本事侬也去嫁，嫁个夜里吃弗消嗰，对伐？弗管哪能讲，人家过忒语言关嗰哎，人家会得讲德文，侬来讪弗啦？侬连英文字母一塌刮子有几个也拎勿清，讲啥末事讲？就晓得嘴巴糗，有啥用场？”侬辣手！夜里吃弗消，也要先过语言关嗰。“迭个还好唻，还有撮掐嗰唻！讲人家啥个天天夜里睏勒草堆里伊讲，”阿拉两家头嗰眼花勒浪反光镜里碰了一碰，伊大概想捉捉我嗰反应。“不过侬覅讲，只德国人嗰毛是长，黄哈哈，还卷嗰唻。”“侬哪能晓得嗰啦？”“咦，憨伐，天热，短袖子，覅讲手浪嗰毛，胸毛，瞎结棍！”讲到此地，伊像煞还咽了口馋吐水。“闲话讲转来，人家毛长搭侬搭啥界啦，怪伐，人家夜里睏勒草堆里惹着侬嗰啊？人家想哪能睏就哪能睏，侬睏得着伐？对，睏弗着，睏弗着。“侬还弗着港唻，侬要么真个睏勒稻草堆里要么喏，对伐啦？”迭排闲话还弗对么，世界浪厢唔没对个闲话唻。“侬覅看人家天天夜里睏勒草堆里，爷娘覅忒适意哦！”喂，喂，老兄，等一歇，闲话讲讲清爽，囡唔睏勒草堆里，交爷娘适意弗适意啥搭界啦！ “出（国）去啊，想啥辰光出去就啥辰光出去，已经去仔好几趟唻。”喔---唷，吓我一大跳。“爷娘开心嗰啊，物事穷买。侬有啥，就只嘴巴，出得去伐啦，要么捏鼻头做梦喏！”一眼勿错，做梦，做梦。“所以人啦，过好自家日脚，可以了，管别人家闲事，我最看弗起了，睏勒草堆里，睏勒草堆里，睏勒草堆里哪能啦？侬讲是伐？”是，是，唔没闲话唻。不过我吃大弗准嗰是，伊啥体要一遍又一遍嗰讲“睏勒草堆里”呢？好象老过瘾(音ni)头嗰。我么齐巧唔没标题，搿么就拿伊做标题么好唻。（纯属实录，不敢有半点篡创！）附国语版：《睡在草堆里》昨天下午办完事，打的去浦东。天下雨了，用车的人多了，打车就显得有点难。的哥们似乎也知道这架势，纷纷牛气起来，招手不停的概率在上升。好不容易拦下一辆在门口下客的，上去一看，居然还是红牌三星驾驶员！报出到达地后，他只略微想了想，就说出过什么桥，从哪个引桥下，穿什么小区，到什么路再直走，并征求我的意见。我当然很赞赏他对路况的熟悉程度，不免表扬了两句。没承想就此打开了他的“潘多拉”盒盖，他滔滔不绝起来。从工资到房子到垄断行业，简直无所不及。不知怎的，又扯到了“长舌妇”现象上去了。“我最看不惯的就是这种女人，跟你有什么关系，对不对，可着劲儿地瞎参乎瞎搅和，嚼人家的舌头”，侧面看过去，这的哥还真的一脸义愤呢。“我们小区里有个女的，嫁了个德国人，生了两个小孩，那德国人有1米90多吧，好，那帮女人就开始有说的了。”“她们说，怎么想到嫁这样的人，每天晚上还不被那德国人弄死，她能吃得消么？真是自找苦吃啊！”我告诫自己，别人讲得来劲的时候，千万要礼貌，要尊重，尤其不要随便大笑。“你管得着么？人家夜里吃得消吃不消关你什么事？对不对？”不但对，而且对得紧。“有本事你也嫁一个夜里吃不消的。不管怎么说，首先要过语言关（原话如此）吧，人家会讲德语，你呢？你连英文多少个字母都不一定知道的，光会图嘴皮子快活，算哪门子本事啊，你说对不对。”对，对，若想夜里吃不消，也要先过语言关，此论高妙之极，在下只有佩服的。“还有难听的呢。说人家每天晚上睡在草堆里，”我们的视线在后视镜里对了一下，他显然想抓我的反应镜头。“不过，那德国人手上的毛真的挺密挺长的，还带卷的呢。”“你也看到过？”“看到，夏天大家穿得少，胸毛也看得到啊。”他好象咽了口唾沫，“不过，毛长管你什么事？对不对，人家睡在草堆里惹着你了吗？人家爱怎么谁怎么睡啊！你还睡不到呢，你---你只能睡真的稻草堆了啊，对不对？”对，睡不到，睡不到。“你别看人家天天晚上睡在草堆里，爹妈都跟着一起享福啊！”且慢！什么？呵呵，女儿睡草堆，跟爹妈的享福有何干系？“想出国就出国，出去过好几趟了。”欧买高！“那叫一个爽，买好多东西回来的。你只会说说人家，你去得成么？做梦吧，对不对？”对，做梦，做梦。“所以，过好自己的日子就行了。说别人，我最看不起了。睡在草堆里，睡在草堆里，睡在草堆里怎么啦？你说对不对？”我觉得这位仁兄确实义正词严，有理有节，有根有据，边叙边议，不但对极了，而且妙极了呀。唯一让我有点纳闷的，就是为什么他至少说了10遍“睡在草堆里”，好象特别喜欢咀嚼个中三昧的样子？我正好愁着没标题，于是顺手牵羊，就当标题了。（纯属实录，不敢有半点篡创！）